Angiologia eta Hodietako Kirurgia

IMQ Zurriola Zentro Mediko-Kirurgikoko Hodietako Kirurgia Espezialitateko Unitate Asistentziala zirkulazio-aparatuaren gaixotasunen azterketaz eta tratamenduaz arduratzen da (arteriak, zainak eta linfa-basoak).

Sistema benosoan ohikoenak diren gaixotasunak zangoetako barizeak dira; horiek arazo estetikoez gain konplikazio larriak eragin ditzakete (flebitisa, tronbosia, etab.). Azterketa egokiak diagnosi eta tratamendu goiztiarra erraztu dezake hasierako faseetan, arazoaren garapena eragotziz.

Arterien gaixotasunik larriena arterioesklerosia da, adinaren eraginez eta tabakoaren kontsumoak, hipertentsioak, kolesterolak eta diabetesak areagotuta, arteria zahartu eta mehetu egiten da guztiz itxi arte. Zangoetan gertatzen denean, besteak beste, mina agertzen da (hasieran soilik oinez edo korrika egiterakoan, baina pixkanaka lasai egonik ere bai), kolore aldaketak sortzen dira eta azalaren sentsibilizazioa areagotzen da.

Angiologia eta Hodietako Kirurgia Zerbitzuak gaixotasun hauek ahalik eta arinen aztertu eta tratatzen ditu, horien garapena eragozteko. Esperientzia zabala dute eta hainbat teknika eta erreminta erabili ohi dira tratamenduan, batetik, aspalditik erabili ohi direnak (safenektomia-fleboerauzketa) eta bestetik, berrienak eta hain inbaditzaileak ez direnak, besteak beste hodietarako laserra, aparrak eta “itsasgarriak”. Hori dela eta, tratamendua pertsonalizatu dezakegu pazientearen ezaugarriak kontuan hartuta.  

Gaixotasunaren azterketa egiteko beharrezkoa da historia klinikoa ezagutzea, hodi-sistemaren azterketa fisikoa egitea eta hodietako eko-doppler bat egitea, barizeak dituzten adin guztietako pazienteentzako gomendatua eta, bereziki 55 urtetik gorako paziente erretzaileentzako, hipertentsioa dutenentzako edota kolesterol altua edo diabetesa dutenentzako.

Tratamendu erabilgarriak asko dira, baina funtsezko tratamenduak ariketa terapeutikoak eta medikamentuak dira, askotariko kirurgia-tratamenduekin batera: batetik, barizeen mikrokirurgia estetiko txikiak (esklerosia) eta hain inbaditzaileak ez diren tratamenduak (hodietarako laserra, etab.) eta bestetik, konplexuagoak diren teknikak.

ZERBITZU-ZORROA

  • Kontsulta
  • Arteriatako eta zainetako Eko-Doppler-a
  • Barizeen tratamendua hodietarako laserrarekin
  • Barizeetako tratamendua apar edota itsasgarriekin.
  • Tronbosi osteko sindromea
  • Angioma benosoak

TALDE